Lífið

Zendaya sást í mið­bænum

Agnar Már Másson skrifar
Verslunin Mamma mia birti þessa mynd af leikkonunni í dag.
Verslunin Mamma mia birti þessa mynd af leikkonunni í dag. Skjáskot/Instagram

Bandaríska kvikmyndastjarnan Zendaya sást á götum miðborgarinnar í dag en hún er hér á landi ásamt einvala liði Hollywood-stjarna við tökur á nýrri mynd Christopher Nolans, Ódysseifskviðu. 

Sigrún Guðný, einn af eigendum Mamma mia vintage við Smiðjustíg, greinir frá því á TikTok að Zendaya hafi stigið fæti inn í verslun sína í dag. Verslunin birti einnig mynd af leikkonunni á Instagram þar sem hún stendur fyrir utan búðina.

Leikkonan heitir fullu nafni Zendaya Maree Stoermer Coleman en hún er sögð leika gyðjuna Aþenu í kvikmyndinni.

Fjöldi Hollywood-stjarna hefur verið á landinu síðustu daga þar sem tökur á Ódysseifsskviðu hafa staðið yfir hér. Þar fer Tom Holland með aðalhlutverkið, sem er í tilfelli kvikmyndarinnar ekki sjálfur Ódysseifur (Matt Damon) heldur Telemakkus, sonur Ódysseifs. Í myndinni leika einnig Robert Pattinson, Anne Hathaway og fleiri frægir.

Hollywood Bíó og sjónvarp Kvikmyndagerð á Íslandi Frægir á ferð Íslandsvinir Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.