Tugir látnir eftir þeir reyndu að sækja sér mat

Samkvæmt heilbrigðisráðuneyti Hamas voru að minnsta kosti 25 einstaklingar sem biðu vörubíla sem flytja hjálpargögn þegar þeir voru drepnir af Ísraelsmönnum. Atvikið átti sér stað í sunnan Netzarim sem er fyrir miðju Gasastrandarinnar.

Í svari Ísraelsmanna við atvikinu segjast þeir hafa skotið viðvörunarskotum á hóp grunaðra vígamenn sem nálguðust þá. Loftfar Ísraelshers hafi „útrýmt þeim grunuðu.“ Hins vegar sögðust fulltrúar hersins meðvitaðir um að fleiri einstaklingar, sem ekki séu grunaðir árásarmenn, hafi einnig verið særðir í árásinni samkvæmt Reuters. 

The Gaza Humanitarian Foundation (GHF) er með útibú nálægt þar sem atvikið átti sér stað en sögðu það ekki hafa verið nálægt útibúinu. Mannúðarsamtök hafa gagnrýnt staðsetningu útibúanna, sem séu mörg hver á átakasvæðum. Rauði krossinn segir að flestir sem hafa leitað aðstoðar þeirra vegna stórra árása hafi verið nálægt eða hjá útibúum GHF.

Að minnsta kosti nítján aðrir voru drepnir í árásum hersins á Gasa á föstudag. 

Mikill skortur á drykkjarhæfu vatni

Mikill skortur á neyðaraðstoð er á svæðinu og hafa Sameinuðu þjóðirnar greint frá að einnig sé þar mikill skortur á drykkjarhæfu vatni.

„Börn munu byrja deyja úr þorsta. Einungis fjörutíu prósent af framleiðslustöðvum fyrir drykkjarhæft vatn eru starfandi,“ sagði James Elder, talsmaður Sameinuðu þjóðanna.

Einnig er erfitt fyrir íbúa að fá eitthvað matarkyns og segir í umfjöllun Reuters að Ísraelsher hafi ítrekað ráðist á Palestínubúa sem séu að sækja sér mat frá hjálparsamtökum og að hungur sé notað sem vopn af hernum. Ísraelsher neitar ásökunum og segir Hamas-samtökin vera stela hjálparaðstoðunni.