Brynjar Björn í þjálfarateymi Víkings

Víkingar segja frá þessu á miðlum sínum sem og að Brynjar komi inn í teymið í aðdraganda Sambandsdeildar UEFA. Brynjar kemur til með að sinna hlutverki meðþjálfara liðsins í Evrópukeppni ásamt Sölva Geir Ottesen.

Brynjar Björn, sem hefur lokið UEFA Pro þjálfaragráðu, á að baki öflugan þjálfaraferil hjá Stjörnunni, HK, Örgryte, Grindavík og Fylki. 

Brynjar Björn á líka að baki afar farsælan feril erlendis með Stoke, Nottingham Forest, Watford og Reading á Englandi, Vålerenga í Noregi og Örgryte í Svíþjóð ásamt því að hafa leikið 74 A-landsleiki fyrir Íslands hönd.

Vikingar eru á toppi Bestu deildar karla í fótbolta eftir tíu leiki, með eins stigs forskot á Breiðablik, en töpuðu 3-1 fyrir Blikum í síðasta leik sínum fyrir landsleikjahlé.