Bönnin þegar Besta hefst aftur: Víkingar missa lykilmann og Vestri án tveggja

Vestramenn lenda verst í því og missa tvo byrjunarliðsmenn í bann, varnarmanninn Gustav Kjeldsen og framherjann Vladimir Tufegdzic, Túfa.

Víkingar verða án eins síns mikilvægasta leikmanns, Tarik Ibrahimagic, þúsundþjalasmiður sem getur leyst ýmsar stöður.

KR-ingar missa síðan mann af miðjunni, Aron Þórð Albertsson, sem hefur byrjað sjö af tíu leikjum hingað til á tímabilinu og komið tvisvar inn af bekknum.

Stjörnumenn missa einnig miðjumann, Alex Þór Hauksson, sem fékk vafasamt rautt spjald gegn KA. Hann hefur spilað í níu af tíu leikjum hingað til á tímabilinu, en Stjörnumenn hafa líka nýlega endurheimt Jóhann Árna Gunnarsson úr meiðslum.

Þá þurfa Eyjamenn að spjara sig án Milan Tomic sem hefur spilað alla leiki tímabilsins til þessa.

Hér fyrir neðan má finna lista yfir alla leikmenn Bestu deildar karla sem verða í banni í næstu umferð. 

Tarik Ibrahimagic verður ekki með Víkingi gegn KR mánudaginn 16. júní, hann fékk sitt fjórða gula spjald í leik gegn Breiðabliki síðasta sunnudag og tekur út eins leiks bann.

Aron Þórður Albertsson verður ekki með KR gegn Víkingi laugardaginn 14. júní, hann fékk sitt fjórða gula spjald í leik gegn KA síðasta sunnudag og tekur út eins leiks bann.

Alex Þór Hauksson verður ekki með Stjörnunni gegn Val laugardaginn 14. júní, hann fékk rautt spjald í leik gegn KA síðasta sunnudag og tekur út eins leiks bann.

Milan Tomic verður ekki með ÍBV gegn Breiðabliki sunnudaginn 15. júní, hann fékk sitt fjórða gula spjald í leiknum gegn FH síðasta fimmtudag og tekur út eins leiks bann.

Vladimir Tufegdzic verður ekki með Vestra gegn KA sunnudaginn 15. júní, hann fékk sitt fjórða gula spjald í leiknum gegn KR síðasta sunnudag og tekur út eins leiks bann.

Gustav Kjeldsen verður heldur ekki með Vestra gegn KA, hann fékk sitt fjórða gula spjald í leik gegn Víkingi síðasta fimmtudag og var dæmdur í eins leiks bann þegar aganefnd kom saman í dag.