Sævar hundeltur af blaðamönnum í Danmörku og Noregi Aron Guðmundsson skrifar 1. júní 2025 10:01 Knattspyrnumaðurinn Sævar Atli Magnússon skrifaði nýverið undir fjögurra og hálfs árs samning við norska félagið Brann. Hann vildi taka næsta skref á sínum ferli eftir nokkurra ára veru í Danmörku og er spenntur fyrir því að berjast á hinum enda töflunnar eftir að hafa næstum fengið magasár af því að berjast í botnbaráttu í Danmörku. Vísir/Ívar Fannar Sævar Atli Magnússon vildi taka næsta skref á sínum ferli og úr varð að hann samdi við norska stórliðið Brann. Hann komst fljótt að því hversu fótboltasjúkt samfélagið í kringum félagið er. Freyr Alexandersson er þjálfari Brann og hafði áður verið þjálfari Sævars Atla hjá danska liðinu Lyngby. Áhugi norska félagsins á kröftum Breiðhyltingsins kom fram strax í janúar fyrr á þessu ári og dó ekki út. Staða Sævars var þá snúin, Lyngby vildi ekki láta hann frá sér á þeim tímapunkti og hann átti aðeins nokkra mánuði eftir á sínum samningi við félagið. „Ef ég hefði meiðst alvarlega á þessum tíma, sem getur alltaf gerst í fótbolta, þá yrði ég bráðum með lausan samning og í skelfilegri samningsstöðu og lið gætu hugsað með sér að þau vilji ekki taka inn meiddan leikmann. Þetta poppaði oft upp hjá mér og ég veit að það voru á kreiki einvherjar efasemdir um að ég myndi ekki leggja mig fram en síðan sáu þeir að það var ekki staðan.“ Kláraði sín mál fljótt og örugglega Sævar var á mála hjá Lyngby í fjögur ár en fannst kominn tími á að taka næsta skref og aðeins nokkrum dögum eftir að samningur hans í Danmörku rann út hafði Sævar skrifað undir fjögurra og hálfs árs samning hjá Brann. „Þetta var mjög fljótt að gerast og þannig vildi ég hafa það. Ég vildi komast í frí án þess að þurfa að pæla í þessu því það hef ég gert síðustu sex mánuði. Ég hefði geta beðið og séð hvort það kæmu fleiri lið inn í myndina en ég horfi þannig á þetta að liðin sem vilja mig mest koma fyrst inn í myndina. Mér fannst það mjög áhugavert hversu mikið Brann vildi fá mig.“ Sævar er ánægður með að næsta skrefið á ferlinum hjá risa félagi eins og Brann og ekki skemmir fyrir að hann þekkir Frey frá fyrri tíð sem og aðstoðarþjálfarann Jonathan Hartmann. „Ég veit hvað þeir standa fyrir, þekki þá báða mjög vel og veit hvernig þeir halda æfingasvæðinu gangandi, hvernig við æfum og hvernig þeir vilja að klefinn sé. Ég er mjög mikill aðdáandi þess að vera hluti af góðri liðsheild. Að sjálfsögðu spilar þetta stóran þátt í minni ákvörðun en ekki síður bara Brann sem félag. Hversu stórt það er. Ég vissi að félagið væri stórt en ekki svona stórt.“ Míkrafónn beint í andlitið Í Bergen, heimabæ Brann, er samfélag sem er heltekið af fótbolta og allt snýst um Brann. Áður en hann lenti í Noregi komst Sævar Atli Strax að því, norskir blaðamenn sátu fyrir honum bæði á flugvellinum í Kaupmannahöfn sem og við lendingu í Noregi.“ „Um leið og ég mæti á Kastrup flugvöllinn er einn að bíða eftir mér, annar sem bíður svo eftir mér inni í flugvélinni og svo taka tíu til tólf blaðamenn á móti mér um leið og ég labba út úr vélinni í Bergen. Það var bara míkrafónn í andlitið og allir að berjast um að fá að spyrja mann spurninga.“ Sævar má spila fyrir Brann þegar félagaskiptaglugginn opnar aftur í júlí næstkomandi. Hann hlakkar til að takast á við pressuna sem fylgir því að vera leikmaður Brann þar sem krafan er sett á að vinna gullið. „Það er pressa sem maður þarf einhvern tímann að prófa. Ég er spenntur fyrir því sem og að vera í liði sem er alltaf meira með boltann, sækir meira og fær fleiri færi. Ég held að það muni henta mínum leikstíl mjög vel. “ Norski boltinn Fótbolti Íslendingar erlendis Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Hélt að Arnar væri að djóka í sér: „Maður var í smá sjokki“ Fótbolti Sjáðu stórkostlegt mark Sveindísar í lokaleiknum fyrir EM Fótbolti Stelpurnar okkar dönsuðu af gleði inn í klefa eftir leik Fótbolti Stelpurnar unnu Svía Fótbolti Jamaíkamaður í hóp þeirra fljótustu í sögunni Sport Fleiri fréttir Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Sjá meira
Freyr Alexandersson er þjálfari Brann og hafði áður verið þjálfari Sævars Atla hjá danska liðinu Lyngby. Áhugi norska félagsins á kröftum Breiðhyltingsins kom fram strax í janúar fyrr á þessu ári og dó ekki út. Staða Sævars var þá snúin, Lyngby vildi ekki láta hann frá sér á þeim tímapunkti og hann átti aðeins nokkra mánuði eftir á sínum samningi við félagið. „Ef ég hefði meiðst alvarlega á þessum tíma, sem getur alltaf gerst í fótbolta, þá yrði ég bráðum með lausan samning og í skelfilegri samningsstöðu og lið gætu hugsað með sér að þau vilji ekki taka inn meiddan leikmann. Þetta poppaði oft upp hjá mér og ég veit að það voru á kreiki einvherjar efasemdir um að ég myndi ekki leggja mig fram en síðan sáu þeir að það var ekki staðan.“ Kláraði sín mál fljótt og örugglega Sævar var á mála hjá Lyngby í fjögur ár en fannst kominn tími á að taka næsta skref og aðeins nokkrum dögum eftir að samningur hans í Danmörku rann út hafði Sævar skrifað undir fjögurra og hálfs árs samning hjá Brann. „Þetta var mjög fljótt að gerast og þannig vildi ég hafa það. Ég vildi komast í frí án þess að þurfa að pæla í þessu því það hef ég gert síðustu sex mánuði. Ég hefði geta beðið og séð hvort það kæmu fleiri lið inn í myndina en ég horfi þannig á þetta að liðin sem vilja mig mest koma fyrst inn í myndina. Mér fannst það mjög áhugavert hversu mikið Brann vildi fá mig.“ Sævar er ánægður með að næsta skrefið á ferlinum hjá risa félagi eins og Brann og ekki skemmir fyrir að hann þekkir Frey frá fyrri tíð sem og aðstoðarþjálfarann Jonathan Hartmann. „Ég veit hvað þeir standa fyrir, þekki þá báða mjög vel og veit hvernig þeir halda æfingasvæðinu gangandi, hvernig við æfum og hvernig þeir vilja að klefinn sé. Ég er mjög mikill aðdáandi þess að vera hluti af góðri liðsheild. Að sjálfsögðu spilar þetta stóran þátt í minni ákvörðun en ekki síður bara Brann sem félag. Hversu stórt það er. Ég vissi að félagið væri stórt en ekki svona stórt.“ Míkrafónn beint í andlitið Í Bergen, heimabæ Brann, er samfélag sem er heltekið af fótbolta og allt snýst um Brann. Áður en hann lenti í Noregi komst Sævar Atli Strax að því, norskir blaðamenn sátu fyrir honum bæði á flugvellinum í Kaupmannahöfn sem og við lendingu í Noregi.“ „Um leið og ég mæti á Kastrup flugvöllinn er einn að bíða eftir mér, annar sem bíður svo eftir mér inni í flugvélinni og svo taka tíu til tólf blaðamenn á móti mér um leið og ég labba út úr vélinni í Bergen. Það var bara míkrafónn í andlitið og allir að berjast um að fá að spyrja mann spurninga.“ Sævar má spila fyrir Brann þegar félagaskiptaglugginn opnar aftur í júlí næstkomandi. Hann hlakkar til að takast á við pressuna sem fylgir því að vera leikmaður Brann þar sem krafan er sett á að vinna gullið. „Það er pressa sem maður þarf einhvern tímann að prófa. Ég er spenntur fyrir því sem og að vera í liði sem er alltaf meira með boltann, sækir meira og fær fleiri færi. Ég held að það muni henta mínum leikstíl mjög vel. “
Norski boltinn Fótbolti Íslendingar erlendis Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Hélt að Arnar væri að djóka í sér: „Maður var í smá sjokki“ Fótbolti Sjáðu stórkostlegt mark Sveindísar í lokaleiknum fyrir EM Fótbolti Stelpurnar okkar dönsuðu af gleði inn í klefa eftir leik Fótbolti Stelpurnar unnu Svía Fótbolti Jamaíkamaður í hóp þeirra fljótustu í sögunni Sport Fleiri fréttir Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Sjá meira