Rúrik fellur í skuggann á kyn­þokka­fullum Jóni

Jón verður fertugur seinna á árinu en lítur ekki út fyrir að vera deginum eldri en 25 ára, enda í toppformi. 

Viðbrögðin við myndunum létu ekki á sér standa, ef marka má athugasemdirnar við færslurnar á Instagram-síðu verslunarinnar.

Áhrifavaldurinn Binni Glee skrifaði: „Oh daddy!“ . Tónlistarmaðurinn Magnús Jóhann Ragnarsson skrifaði:: „Sexy Ru hver!?!?!?!“ – með skírskotun til Rúrik Gíslasonar, sem lengi hefur gengið undir viðurnefninu „Sexy Ru“.

Rúrik svaraði athugasemdinni á annarri mynd með sinni alkunnu yfirvegun og húmor: „Ég pakka þá bara saman.“

Tónlistarmennirnir Herra Hnetusmjör, Friðrik Dór og eiginkona Jóns, Hafdís Björk Jónsdóttir, voru ekki síður hrifin af kynþokkafullu lúkki Jóns, ef marka má athugasemdir þeirra.

Það var ljósmyndarinn Anna Maggý sem á heiðurinn af myndunum, en þær voru teknar á Parliament hótelinu í hjarta Reykjavíkur.