Stoðsending Sverris dugði skammt

Sverrir og félagar byrjuðu leikinn af miklum krafti og Tin Jedvaj kom liðinu yfir strax á þriðju mínútu eftir stoðsendingu frá Sverri.

Heimamenn í PAOK jöfnuðu hins vegar metin tíu mínútum fyrir lok fyrri hálfleiks og staðan því 1-1 þegar liðin gengu til búningsherbergja.

Það var svo Gíneumaðurinn Mady Camara sem tryggði heimamönnum 2-1 sigur með marki eftir rétt tæplega klukkutíma leik.

Með sigrinum stökk PAOK upp í þriðja sæti deildarinnar, en liðið er nú með 55 stig eftir 30 leiki, einu stigi minna en Panathinaikos sem situr í öðru sæti.