„Enduðum á að kyssast í skrif­stofustólnum hans“

Vala er flestum landsmönnum vel kunn en það vakti landsathygli árið 2010 þegar hún fór í gegnum kynleiðréttingarferli. Hún hefur rætt ferlið á opinskáan hátt og lýsti því meðal annars í Einkalífinu á Vísi árið 2019 hvernig það var að komast loksins í réttan líkama.

Vala starfar hjá ferðaþjónustufyrirtækinu Icelandia við upplýsingatækni, en Bryn starfar sem forritari hjá vefstofunni Vettvangi.

Vala Grand situr fyrir svörum í viðtalsliðnum Ást er.

Hvernig kynntust þið? Á Smitten

Hvort ykkar tók fyrsta skrefið? Ég tók af skarið með því að senda honum skilaboð á Smitten.

Fyrsti kossinn okkar: Eftir fyrsta date-ið okkar þá fórum við á skrifstofuna hans til að fara á klósettið og svona. Enduðum á að kyssast í skrifstofustólnum hans.

Fyrsta stefnumótið? Við byrjuðum á því að fara út að borða á Nings og svo  í bíó að sjá Wolverine and Deadpool 2. Við enduðum á því að rífast um það hvort okkar ætti að borga, sem var mjög fyndið, og afgreiðsludömurnar hlógu bara og sögðu „cute“.

Hvernig myndirðu lýsa sambandinu ykkar: 

Rómantískt, virðing, SJÓÐANDI.

Mér finnst rómantískt stefnumót vera: Þar sem við tvö erum að njóta nærveru hvors annars. Sama hvort það sé úti á flottum veitingastað eða bara að spila tölvuleiki heima.

Uppáhalds rómantíska kvikmyndin okkar er: The Notebook.

Lagið okkar: I Follow Rivers - Trigger Finger

Eigið þið sameiginleg áhugamál? Tölvur, tölvuleikir og tækni yfir höfuð.

Hvort ykkar eldar meira? Við eldum yfirleitt saman en ég myndi segja að ég geri það oftar því Brynjólfur er oft djúpt sokkinn í forritun heima.

Haldið þið upp á sambandsafmælið? Það er ekki komið svo langt en auðvitað stefnum við á það.

Eruði rómantísk? Já ég myndi ég segja það, all svakalega!

Fyrsta gjöfin sem ég gaf manninum mínum: Ralph Lauren peysu.

Fyrsta gjöfin sem maðurinn minn gaf mér: Hann gaf mér loforðshring úti á Tenerife.

Maðurinn minn er: Klár, ljúfur, virðulegur, herramaður, metnaðarfullur og hefur mikla ást að gefa – bæði mér og dýrum.

Rómantískasti staður á landinu: Um hávetur þá fór hann mig að Hvalvatni í Hvalfirði þar sem það var mjög dimmt, mikil norðurljós og stjörnubjart. 

Mér fannst ég vera stödd í ævintýri þegar hann sýndi mér þennan stað á þessum tíma.

Fyndnasta minningin af ykkur saman? Við vorum að fara í fermingarveislu með tengdó. Við búin að gera okkur fín í spariföt með litla frænda hans og alles með. Komum á staðinn og enginn þar. Komumst svo að því að tengdó las rangt á boðskortið og við vorum viku fyrr í ferminguna! Enduðum á að gera bara góðan fjölskyldudag úr þessu í staðinn.

Hver væri titillinn á ævisögu ykkar? Silicon Valley.

Hvað gerið þið til að gera ykkur dagamun? Spilum tölvuleiki, ferðumst, forritum og kúrum!

Lýstu manninum þínum í þremur orðum: Klár, ljúfur, metnaðarfullur

Hvar sérðu ykkur eftir tíu ár? Komin í góða eign mögulega með tvöföldum bílskúr bæði á góðum stöðum í tæknigeiranum.

Hvernig viðhaldið þið neistanum?

Neistinn hefur bara ekkert dvínað.

Ást er ... Ást er djúpt og flókið tilfinningalegt samband milli tveggja eða fleiri einstaklinga. Hún getur verið bæði rómantísk, fjölskylduleg eða vináttuástar. Hún er eitt af grunnþörfum mannlegrar lífsreynslu.