Innlent

Tveir bílar og hesta­kerra skullu saman við Sel­foss

Jón Ísak Ragnarsson skrifar
Lokað var fyrir umferð um veginn í skamma stund.
Lokað var fyrir umferð um veginn í skamma stund. Vísir

Árekstur varð milli tveggja bíla og hestakerru á Suðurlandsvegi rétt austan við Selfoss. Fimm voru í bílunum og eru meiðsl talin minniháttar.

Þorsteinn M. Kristinsson, aðalvarðstjóri lögreglunnar á Suðurlandi, segir að sumir hafi verið fluttir á heilbrigðisstofnun til aðhlynningar, en kvaðst ekki vita hve margir. Fimm hafi verið í ökutækjunum.

Meiðsl á fólki eru talin minniháttar.

Þorsteinn segir að dráttarbíll hafi þurft að ná í tvö ökutæki, en eitt þeirra sé minna skemmt. Hestakerran sé talin ökutæki í þessu samhengi.

Þá viti hann ekki til þess að hestar hafi verið í kerrunni.

Lokað var fyrir umferð um veginn í skamma stund en búið er að opna fyrir umferð.

Annar bíllinn skemmdist töluvert.Vísir
Hestakerran fór út af veginum.Vísir
Bíllinn sem dró hestakerruna.Vísir
Samgönguslys Árborg Flóahreppur

Mest lesið


Fleiri fréttir

Sjá meira


×

Mest lesið