Bayern kom til baka gegn Stutt­gart

Angelo Stiller kom Stuttgart yfir eftir rúmlega hálftíma en gestirnir létu það ekki á sig fá og Michael Olise jafnaði metin fyrir lok fyrri hálfleiks. Í þeim síðari sýndu gestirnir svo mátt sinn og megin.

Hinn sterkbyggði Leon Goretzka kom Bæjurum yfir á 64. mínútu áður en varamaðurinn Kingsley Coman gulltryggði sigurinn á lokamínútu venjulegs leiktíma. Lokatölur á MHP-vellinum í Stuttgart 1-3 og Bayern komið með 11 stiga forystu á toppi deildarinnar.

Bayern er nú með 61 stig á meðan meistarar Bayer Leverkusen eru með 50 stig og leik til góða.