Sel­foss sá ekki til sólar á Hlíðar­enda

Selfyssingar byrjuðu leikinn reyndar vel, skoruðu fyrsta markið og leiddu í kjölfarið fyrstu mínúturnar. Það var hins vegar eftir tíu mínútna leið sem heimakonur gáfu í og skoruðu fjögur mörk í röð.

Eftir það var ekki aftur snúið og öruggur sigur Vals staðreynd. Þórey Anna Ásgeirsdóttir var markahæst í liði Vals með 8 mörk. Lilja Ágústsdóttir kom þar á eftir með 4 mörk en alls komust tólf leikmenn Vals á blað í leiknum. Þá varði Hafdís Renötudóttir 15 skot í markinu og var með 42 prósent hlutfallsmarkvörslu.

Sara Dröfn Ríkharðsdóttir, Katla María Magnúsdóttir, Hulda Hrönn Bragadóttir og Harpa Valey Gylfadóttir voru allar með 4 mörk í liði gestanna. Ágústa Tanja Jóhannsdóttir varði þá 12 skot í markinu.

Valur er sem fyrr á toppi deildarinnar, nú með 32 stig. Selfoss er hins vegar í 4. sæti með 13 stig.