Gulli Helga tók yfir og Sindri beið á kantinum

Hann fékk til liðs við sig vinina Gunnlaug Helgason og Jón Axel Ólafsson til að smakka ýmsa áfenga og óáfenga kokteila á barnum Tipsy. Keppnin sjálf fer fram í kvöld og eru gleðigjafarnir Auðunn Blöndal og Steindi kynnar. Gestadómari verður síðan Saga Garðarsdóttir. Á síðasta ári tóku hundrað manns þátt og búist er jafnvel við fleiri í ár.

„Sko annar okkar er alveg hættur í áfengi og það var ástæða fyrir því,“ segir Jón og þá sprakk Gulli úr hlátri. Þessi tveir voru líklega með vinsælasta útvarpsþátta allra tíma hér á landi.

„Þetta var auðvitað svolítið gaman, það er alveg óhætt að segja það. Það var mjög dýnamískt stuð í loftinu og þetta var nýtt og öðruvísi. Alvarleikinn bara fór og við ákváðum að vera ekki að taka okkur sjálfa neitt alvarlega,“ segir Jón.

„Við erum báðir aldir upp á RÚV, hann á Rás 1 og ég á Rás 2 og þar var pínulítið svona þú mátt ekki segja þetta og hitt en við hentum því bara út,“ segir Gulli.

Hér að neðan má sjá innslagið í heild sinni en þeir fengu þeir að bragða á kokteilunum. Ekki var gefið upp hver væri að fá áfenga og óáfenga. Gulli tók til að mynda yfir innslagið og Sindri beið bara á kantinum.