Goog­le breytir nafninu á Mexíkó­flóa

Google greinir frá þessu á samfélagsmiðlinum X. Þar segir að Google hafi lengi viðhaft þá venju að breyta staðarheitum þegar þeim er breytt í opinberum gögnum stjórnvalda. Google greinir frá því að notendur í öðrum ríkjum muni sjá bæði nöfn flóans.

Rekja má breytingarnar til þess að Donald Trump, nýr Bandaríkjaforseti, gaf út tilskipun um að nafninu skyldi breytt. Þá mun Google einnig breyta nafni fjallsins Denali í Alaska þannig að það fái aftur nafnið McKinley-fjall. Trump gaf sömuleiðis út tilskipun þess efnis á dögunum.

Fjallið er nefnt í höfuðið á William McKinley, 25. forseta Bandaríkjanna, og er það hæsta fjall Bandaríkjanna. 

Í forsetatíð Barack Obama, árið 2015, var nafni fjallsins breytt í Denali í samræmi við venju bandarískra frumbyggja.