Liverpool bara með einn sigur í síðustu níu leikjum á móti Man. City

Ekki hefur þó gengið vel hjá Liverpool að vinna Manchester City í ensku úrvalsdeildinni síðustu ár.

Í raun hefur Liverpool aðeins einu sinni fagnað sigri í síðustu níu deildarleikjum liðanna. Sá sigur kom á Anfeild í október 2022 og vannst 1-0 með marki Mohamed Salah eftir stoðsendingu frá markverðinum Alisson.

Manchester City hefur fagnað þremur sigrum á sama tíma en liðin hafa alls gert fimm jafntefli í þessum níu síðustu leikjum.

Liðin gerðu þannig 1-1 jafntefli í báðum deildarleikjum sínum á síðustu leiktíð.

Manchester City vann 4-1 sigur á heimavelli tímabilið 2022-23 þrátt fyrir að Salah hafi komið Liverpool yfir. Julián Alvarez, Kevin De Bruyne, Ilkay Gündogan og Jack Grealish skoruðu allir fyrir City.

City menn unnu síðast deildarleik á Anfield í febrúar 2021. Ilkay Gündogan skoraði tvívegis í leiknum en hini mörkin skoruðu Raheem Sterling og Phil Foden. Salah skoraði mark Liverpool en hann hefur alls skorað ellefu mörk í öllum keppnum á móti City.