Heimildaþáttaröð um lið Rooney og Guð­laugs Victors

Wayne Rooney er knattspyrnustjóri enska B-deildarfélagsins og með liðinu spilar íslenski landsliðsmaðurinn Guðlaugur Victor Pálsson.

Breska ríkisútvarpið segir frá því að tökur séu þegar hafnar á þáttunum.

Rooney tók við enska félaginu í maí og í fyrstu fimmtán leikjum tímabilsins er Plymouth með fjóra sigra, fjögur jafntefli og sjö töp. Það skilar liðinu þó bara átjánda sæti í deildinni.

Guðlaugur Victor kom á frjálsri sölu í maí en hefur aðeins byrjað fjóra leiki af fimmtán.

Það er enn ekki komið á hreint hvar þættirnir verða sýndir eða hvenær þeir verða á dagskrá.

Það er enn ein viðbótin við þætti um bresk fótboltafélög. Disney+ sýnir „Welcome to Wrexham“, Netflix hefur fylgt Sunderland í nokkur tímabil í þáttunum „Sunderland 'Til I Die“ og þá hefur Amazon Prime fylgt eftir ensku úrvalsdeildarfélögunum Manchester City, Tottenham og Arsenal í þáttunum „All or Nothing“.