Fótbolti

United ekki unnið Evrópuleik í heilt ár

Ingvi Þór Sæmundsson skrifar
Manchester United hefur ekki átt góðu gengi að fagna í síðustu Evrópuleikjum undir stjórn Eriks ten Hag.
Manchester United hefur ekki átt góðu gengi að fagna í síðustu Evrópuleikjum undir stjórn Eriks ten Hag. getty/Serhat Cagdas

Óhætt er að segja að tölfræði Manchester United í Evrópuleikjum upp á síðkastið sé ekki merkileg. Heilt ár er síðan liðið vann síðast leik í Evrópukeppni.

United gerði 1-1 jafntefli við Fenerbahce í Evrópudeildinni í gær. Strákarnir hans Eriks ten Hag hafa gert jafntefli í fyrstu þremur leikjum sínum í Evrópudeildinni.

Fara þarf aftur til 24. október í fyrra til að finna síðasta sigur United í Evrópuleik. Liðið vann þá FC Kaupmannahöfn á heimavelli, 1-0, í Meistaradeild Evrópu.

Síðan þá hefur United leikið sex Evrópuleiki, þrjá í Meistaradeildinni og þrjá í Evrópudeildinni, og ekki unnið einn þeirra.

Raunar hefur United aðeins unnið einn af síðustu ellefu leikjum sínum í Evrópukeppnum. 

United tapaði fyrsta Evrópuleiknum undir stjórn Ten Hags en vann svo átta af næstu níu leikjum. En síðan þá hefur gengið illa.

Næsti leikur United í Evrópudeildinni er gegn PAOK á heimavelli 7. nóvember.

Evrópudeild UEFA

Mest lesið


Fleiri fréttir

Sjá meira


×

Mest lesið