Lærðu allt um kok­teila í Kok­teila­skólanum

„Við bjóðum upp á eina kokteilanámskeiðið þar sem hver þátttakandi gerir sína eigin kokteila undir leiðsögn kokteilameistara,“ segir Ivan Svanur Corvasce stofnandi Kokteilaskólans og einn fimm kennara við skólann. Auk hans kenna þeir Teitur Schiöth, Daníel Jón, Terry Devos og Bjartur Daly en allir fimm hafa verið í fararbroddi íslenskrar kokteilamenningar undanfarin ár. „Í byrjun hélt ég að við myndum halda kannski 3-4 námskeið í mesta lagi en þá grunaði mig ekki hversu vinsælt þau gætu orðið. Við höfum verið með námskeið í hverri einustu viku núna í meira en fjögur ár.“

Hann segir alltaf ríkja mjög létta og skemmtilega stemningu á þessum námskeiðum. „En um leið kemur það mörgum gestum okkar skemmtilega á óvart hvað umgjörðin er fagmannleg og allt er vel skipulagt. Við erum auðvitað fyrst og fremst að kenna venjulegu fólki að búa til vinsæla kokteila með lítilli fyrirhöfn og hafa þetta um leið svolítið skemmtilegt. Öll hráefni og áhöld verða á staðnum og það eina sem þarf að gera er að mæta og vera tilbúin í góða kvöldstund.“

Vina- og fyrirtækjahópar er duglegir að mæta

Á hverjum fimmtudegi er farið í gerð þriggja spennandi kokteila og um leið er farið yfir ýmsan fróðleik tengt hráefnum og fræðst á skemmtilegan hátt um undraverðan heim kokteila. „Þessi námskeið eru haldin alla fimmtudaga kl. 19 í húsnæði Spritz Venue, sem var opnaður fyrir þremur árum sérstaklega til að hýsa Kokteilaskólann og anna eftirspurn. Spritz Venue er staðsett við Rauðarárstíg 27 í miðbæ Reykjavíkur. Það eru opnu námskeiðin okkar sem hver sem er getur bókað sig á í gegnum heimasíðuna okkar, Kokteilaskólinn.is."

Vina- og fyrirtækjahópar eru líka velkomnir en ef hópurinn inniheldur fleiri en tólf manns er boðið upp á einkanámskeið. „Það er stöðugt streymi af fyrirtækjahópum hjá okkur en hvað er betra en að hrista í kokteila og hrista upp í hópnum í leiðinni?"

Einkahópar geta líka bætt við matarveitingum sem hægt er að njóta með ljúffengum kokteilum en núna um jólin verður boðið upp á jóla pinnamat í samstarfi við Nomy veitingar.

„Á einkanámskeiðum er hægt að velja um þrjú mismunandi prógrömm en það nýjasta hjá okkur er Mojito námskeið sem hefur einnig slegið í gegn!,“ segir Ivan.

Bókanir í jóla Kokteilaskólann hefjast í næstu viku, 24. október.

Í næstu viku hefjast bókanir fyrir jóla Kokteilskólann en á síðasta ári seldust öll námskeiðin upp á skömmum tíma. „Jóla námskeiðin hefjast 14. nóvember þegar stutt er í aðventuna. Skólinn er staðsettur í miðbænum og því tilvalið að tvinna saman námskeiði hjá okkur og jólatónleikum eða heimsókn í miðbæinn sem verður farinn að lifna við með fallegum jólaskreytingum á þessum tíma. Fyrir einkahópa sem mæta til okkar þá getum við boðið upp á jóla pinnamat með kokteilunum þannig að þetta verður algjör veisla.“

Ivan hvetur áhugasama til að fara inn á vef Kokteilaskólans og skrá sig á póstlistann. „Þannig færðu tölvupóst þegar miðasalan hefst og missir ekki af neinu. Þetta verða a.m.k. 5-6 námskeið en líklegast munum við bæta nokkrum dagsetningum við.“

Gjafakortin hafa slegið í gegn í jólagjöf

Gjafakortin í Kokteilaskólann hafa slegið í gegn sem gjafir fyrir ýmis tilefni. „Gjafarbréfin koma í fallegum umbúðum með vaxinnsigli Kokteilaskólann. Bréfin gilda á öll opin námskeið, bæði þessi hefðbundnu, en líka á þemanámskeiðin okkar sem geta verið allskonar.“

Utan þess að halda vinsæl námskeið selur Kokteilaskólinn líka baráhöld, hráefni og bækur sem tengjast kokteilagerð. „Í dag er Kokteilaskólinn einnig netverslun sem selur slíkar vörur og úrvalið eykst jafnt og þétt. Hægt er að skoða úrvalið í netverslun okkar og þar gætu til dæmis leynst spennandi jólagjafir.“

Nánari upplýsingar um námskeið, gjafabréf og vörur má finna á vef Kokteilaskólans.