Mörkin lög­manns­stofa: Á­skorun til nú­verandi stjórnar­manna

Eins og ykkur er kunnugt um, var fyrrum eigandi og stjórnarmaður lögmannstofu ykkar, Ragnar H.Hall, árum saman lögmaður fjölskyldufélags okkar, Björn Hallgrímssonar ehf (nú Lyfjablóm ehf), hér eftir BH. Hann var einnig lögmaður foreldra minna til margra ára. Eins undarlega og það kann að hljóma, þá ákvað Ragnar,Hall fyrrum BH að gerjast verjandi þess aðila sem BH stefndi fyrir héraðsdóm í afar umfangsmiklu skaðabótamáli. Hann lokaði einnig á öll samskipti við fjölskyldu mína og tilkynnti okkur feðgum skriflega að hann hafi sett okkur á “block sender”.

Nýlega kvað úrskurðarnefnd lögmannafélags Íslands upp úrskurði sína í kærumálum okkar varðandi háttsemi Ragnars sl.ár fyrir dómstólum en þið getið fundið alla þessa úrskurði á heimasíðu LMFÍ.

Í máli nr. nr.16a/2022 segir nefndinað óheppilegt sé að Ragnar hafi ákveðið að taka að sér mál gagnaðila , gegn fyrrum umbjóðanda síns með þeim hætti sem hann hefur gert.

Í máli nr. 36/2022 fann nefndin að þeirri háttsemi Ragnars að leggja fram gögn sem hann var bundinn þagnar- og trúnaðarskyldu um og tengjast fjölskyldu minni , fyrir Sólveigu G.Pétursdóttur, fyrrum dómsmálaráðherra en Ragnar er lögmaður hennar í dag og taldi háttsemi hans aðfinnsluverða. Nefndin taldi einnig sannað að Ragnari hafi undir höndum trúnaðargögn sem hann komst yfir sem þáverandi lögmaður BH sem og foreldra minna og lagt fyrir dóm í nafni Sólveigar í þeim tilgangi að styrkja málatilbúnað hennar gegn fjölskyldu minni og enn fremur að hann hafi afhent þriðja aðila gögn sem hann var bundinn þagnarskyldu og trúnaði um, nánar tiltekið lögmanni Sólveigar í öðru dómsmáli, Gisla Hall, sonar síns, sem er núverandi eigandi og stjórnarmaður lögmannstofu ykkar.

Í máli nr.33/2023 taldi nefndin þá háttsemi Ragnars að sinna ekki beiðni lögmanna okkar að fá afhent gögn og afrit af samskiptum sem hann átti við endurskoðendur BH og Kristinn Björnsson, sem sá um daglegan rekstur félagsins og tengjast meintum fundargerðum BH frá árinu 2007 sem Ragnar ritaði, hafi ekki verið í samræmi við siðareglur lögmanna og þær skyldur sem hvíldu á honum sem fyrrum lögmanni BH.

Undanfarnar vikur hafa lögmenn okkar reynt að fá umbeðin gögn afhent frá Ragnari Hall í samræmi við úrskurð nefndarinnar. Ragnar hunsaði þá beiðni með öllu og sagðist ekki munu afhenda nein gögn og hefur tilkynnt lögmönum okkar að hann muni ekki svara neinum frekari spurningum er varðar störf hans fyrir okkar fyrrum fjölskyldufélag (BH).

Ég vil því biðla til ykkar, núverandi eigendur og stjórnarmenn Mörkinni lögmannstofu,að kalla eftir þessum gögnum og afhenda þau í samræmi við úrskurð Lögmannafélagsisns enda gögn sem félag okkar á rétt á að fá afhent frá fyrrum lögmannstofu sinni. Öll þessi gögn liggja á netþjóni Mörkin lögmannstofu.

f.h. Lyfjablóms ehf. (áður Björn Hallgrímsson ehf)

Björn Thorsteinsson