Fótbolti

Messi skoraði tvö þegar hann vann 46. titilinn á ferlinum

Ingvi Þór Sæmundsson skrifar
Lionel Messi fagnar eftir að hafa skorað beint úr aukaspyrnu gegn Columbus Crew.
Lionel Messi fagnar eftir að hafa skorað beint úr aukaspyrnu gegn Columbus Crew. getty/Jason Mowry

Lionel Messi skoraði tvívegis þegar Inter Miami vann Columbus Crew, 3-2, og þar með stuðningsmannaskjöldinn í MLS-deildinni í Bandaríkjunum. Messi hefur nú unnið 46 titla með félagsliðum og landsliði á glæstum ferli.

Stuðningsmannaskjöldurinn er ígildi deildarmeistaratitils. Inter Miami er með bestan árangur allra liða í MLS og vinni liðið síðustu tvo leiki sína bætir það met New England Revolution yfir flest stig á einu tímabili í deildarkeppninni.

Messi skoraði fyrra mark sitt með skoti af stuttu færi og það seinna beint úr aukaspyrnu. Luis Suárez skoraði svo þriðja mark Inter Miami.

Ljóst er að Inter Miami verður með heimavallarrétt í öllum umferðum úrslitakeppninnar sem hefst 23. október.

Messi gekk í raðir Inter Miami í fyrra. Hann hefur skorað þrjátíu mörk í 34 leikjum fyrir liðið.

Bandaríski fótboltinn

Mest lesið


Fleiri fréttir

Sjá meira


×

Mest lesið