Lægð stjórnar veðrinu um helgina

Þetta kemur fram í hugleiðingum veðurfræðings á Veðurstofunni um veðrið sem landsmenn mega búast við þessa helgina.

Þar segir að lægðin verði komin nærri suðurströndinni í nótt og fari til norðausturs með austurströndinni á morgun. 

Í dag því er útlit fyrir austan og suðaustan 5-13 m/s og rigningu með köflum. Hægari vindi á Norður- og Austurlandi og dálítilli slyddu eða snjókomu þar eftir hádegi. Hiti frá frostmarki í innsveitum fyrir norðan, að 8 stigum á Suðvesturlandi.

Í fyrramálið eru horfur á austan 5-13 og víða rigning eða slydda, einkum austanlands. Norðlægari síðdegis á morgun, dregur úr úrkomu og rofar til um landið suðvestanvert. Hiti 3 til 10 stig, hlýjast suðvestantil.

Veðurhorfur á landinu næstu daga

Á sunnudag:

Austan og norðaustan 3-10 m/s og rigning með köflum. Þurrt að kalla á Vesturlandi og einnig á Suðurlandi um kvöldið. Hiti 3 til 10 stig, hlýjast syðst.



Á mánudag:

Vestlæg átt 3-8. Skýjað með köflum á landinu og þurrt að mestu. Hiti 1 til 8 stig, mildast við suðurströndina.



Á þriðjudag:

Suðvestan 5-13 m/s og dálítil rigning, en þurrt að kalla austanlands. Hiti 3 til 8 stig.

Á miðvikudag:

Suðlæg eða breytileg átt og væta með köflum, en þurrt á austanverðu landinu. Hiti breytist lítið.



Á fimmtudag og föstudag:

Ákveðin austlæg átt og rigning af og til, en yfirleitt þurrt á vestanverðu landinu. Hiti 3 til 10 stig, hlýjast á Suðvesturlandi.