Erlent

Gerðu um­fangs­mikla at­lögu að leið­toga Hezbollah

Samúel Karl Ólason skrifar
Reykur frá árásinni séður frá öðru hverfi Beirút.
Reykur frá árásinni séður frá öðru hverfi Beirút. AP

Ísraelski herinn gerði fyrir skömmu umfangsmiklar árásir á suðurhluta Beirút í Líbanon, sem sagðar eru hafa beinst að höfuðstöðvum Hezbollah-samtakanna og Hassan Nasrallah, leiðtoga þeirra.

Reuters hefur eftir heimildarmanni sínum að nokkrir af háttsettum leiðtogum Hezbollah hafi verið þar sem loftárásirnar voru gerðar.

Ekki liggur fyrir hvort Nasrallah, eða aðrir leiðtogar voru felldir í árásinni. Þá er ekki ljóst hvort óbreyttir borgarar féllu.

Nokkrar byggingar virðast hafa verið jafnaðar við jörðu í árásunum í Dahiyeh, úthverfi Beirút. AFP fréttaveitan hefur eftir heimildarmanni úr Hezbollah að sex byggingar hafi verið jafnaðar við jörðu.

Í yfirlýsingu frá ísraelska hernum segir að árásir hafi verið gerðar á höfuðstöðvar Hezbollah. Leiðtogar samtakanna hafi vísvitandi byggt þær höfuðstöðvar undir íbúðarhúsum svo óbreyttir borgarar hafi getað verið notaðir til að skýla þeim.

Fréttin verður uppfærð.

Ísrael Líbanon Átök í Ísrael og Palestínu Hernaður Hryðjuverkastarfsemi

Mest lesið


Fleiri fréttir

Sjá meira


×

Mest lesið