Kane markahæsti Eng­lendingurinn í mun færri leikjum en Rooney

Enginn leikmaður í sögu Meistaradeildarinnar hefur skorað úr, eða tekið, eins margar vítaspyrnur og Kane gerði en hann kom boltanum þrisvar í netið af punktinum. Alls skoraði hann fjögur mörk í leiknum.

Fyrsta markið jafnaði markamet Wayne Rooney, sem skoraði 30 mörk í Meistaradeildinni á sínum ferli í 85 leikjum með Manchester United.

Kane bætti svo við og braut metið með þrennu í seinni hálfleik. Hann er því kominn með 33 mörk í aðeins 45 Meistaradeildarleikjum, 40 leikjum færri en Rooney.

21 mark var skorað sem leikmaður Tottenham, hann kom 8 mörkum að í fyrra og fjórum í kvöld.

Þetta var einnig í fyrsta sinn sem Kane setur fernu fyrir Bayern, en hann hafði fimm sinnum áður skorað þrennu.