Innlent

Halla Hrund sótti ekki um nýja forstjórastöðu

Hólmfríður Gísladóttir skrifar
Halla Hrund Logadóttir bauð sig fram til forseta á vormánuðum.
Halla Hrund Logadóttir bauð sig fram til forseta á vormánuðum.

Sex sóttu um embætti forstjóra Umhverfis- og orkustofnunar en Halla Hrund Logadóttir, núverandi Orkumálastjóri og fyrrverandi forsetaframbjóðandi, er ekki þeirra á meðal.

Listinn hefur verið birtur á vef Stjórnarráðs Íslands en á honum eru Björn Arnar Hauksson, deildarstjóri hjá Orkustofnun, Gestur Pétursson, M.Sc. iðnaðar- og rekstrarverkfræði, Halla María Sveinbjörnsdóttir, lögfræðingur og mannauðsstjóri, Markús Ingólfur Eiríksson, doktor í endurskoðun, Rakel Rún Karlsdóttir, jarðfræðingur, og Soffía Björk Guðmundsdóttir, framkvæmdastjóri.

Hæfisnefnd skipuð af umhverfis-, orku- og loftslagsráðherra mun meta hæfni og hæfi umsækjenda og skila greinargerð til ráðherra.

Embætti forstjóra Umhverfis- og orkustofnunar var auglýst fyrr í sumar eftir að Alþingi samþykkti frumvörp um nýja Umhverfis- og orkustofnun og Náttúruverndarstofnun. Breytingarnar fólu í sér sameiningu Orkustofnunar og hluta af starfsemi Umhverfisstofnunar en Náttúruverndarstofnun tók við Vatnajökulsþjóðgarði og starfsemi náttúruverndarsviðs Umhverfisstofnunar.

Stofnanirnar taka til starfa 1. janúar 2025.

Orkumál Umhverfismál

Mest lesið


Fleiri fréttir

Sjá meira


×

Mest lesið