Allt jafnt í Víkinni í fjörugum leik

Heimakonur byrjuðu leikinn af miklu krafti en gestirnir gáfu ekkert eftir að unnu sig fljótlega inn í leikinn. Færin létu ekki á sér standa hjá báðum liðum og oft mátti engu muna en inn vildi boltinn ekki.

Þróttar eru eflaust sáttari með stigið en þrjú stig hefðu verið kærkomin fyrir bæði lið. Víkingar eru í fjórða sæti og að reyna að klóra í liðin fyrir ofan og slíta sig frá FH og Stjörnunni sem eru í humátt á eftir.

Á sama tíma eru Þróttarar með annan fótinn í fallbaráttunni. Þrjú stig í kvöld hefðu komið liðinu sjö stigum frá fallsæti en það verður að virða stigið.