Þróttur gerði jafna deild enn jafnari

Eina mark leiksins skoraði Vilhjálmur Kaldal Sigurðsson þegar tuttugu mínútur voru til leiksloka.

Eftir skelfilega byrjun á mótinu er Þróttur búið að vinna þrjá leiki í röð og þökk sé ótrúlega jafnri Lengjudeild er liðið komið í bullandi möguleika er kemur að sæti í úrslitakeppninni.

Eftir 12 leiki er Þróttur með 15 stig, aðeins sjö minna en ÍBV sem er í 3. sæti og þremur minna en Keflavík í 5. sæti. Þegar 22 umferðum er lokið í Lengjudeildinni fara liðin í 2. til 5. sæti í úrslitakeppni, sigurvegarinn þar kemst upp í Bestu deildina.

Þór Akureyri er í 6. sæti með 17 stig en liði hafði unnið þrjá af síðustu fimm leikjum sínum og ekki tapað neinum fyrir leik dagsins.