Ferða­þjónustan, þingmálin og Running Tide í Sprengi­sandi

Fyrsti gestur dagsins er Þórir Garðarsson, en hann fer yfir stöðu ferðaþjónustunnar og fækkun ferðamanna. Hann hefur áratugareynslu af starfi þar og hefur gengt forystuhlutverki lengst af á þeim vettvangi.

Guðmundur Ingi Guðbrandsson, formaður Vinstri grænna, fer yfir stöðu flokksins nú þegar hann mælist með ónógt fylgi til að komast á þing.

Þá ræða Stefán Vagn Stefánsson, Þorbjörg Sigríður Gunnlaugsdóttir og Teitur Björn Einarsson stöðuna í pólitíkinni. Ágreininginn um áfengissöluna, hvalveiðarnar, samgönguáætlun og veika stöðu ríkisstjórnarinnar.

Að lokum fer Bjartmar Oddur Þeyr Alexandersson blaðamaður á Heimildinni yfir undarlega sögu fyrirtækisins Running Tide sem átti að boða betri tíma á sviði loftslagsmála með því að fanga kolefni og koma því á hafsbotninn. Fyrirtækið var lofsungið og stutt af stjórnvöldum en hefur nú lagt upp laupana.

Hægt er að hlusta á þáttinn á Bylgjunni eða í spilaranum hér að neðan.