Arsenal, Chelsea, New­cast­le og Man Utd á eftir fram­herja Leipzig

Hinn 21 árs gamli Šeško var á óskalista Man United síðasta sumar en ákvað að frekar að vera áfram innan Red Bull fjölskyldunnar og færa sig frá RB Salzburg til RB Leipzig. Þar hefur hann haldið áfram að vaxa og er nú orðaður við fjölda liða á Englandi.

Um er að ræða ungan framherja sem er samt sem áður stór og sterkbyggður. Hann er einkar góður í loftinu og talinn jafnvígur með hægri og vinstri.

Á síðustu leiktíð skoraði Šeško alls 18 mörk í öllum keppnum ásamt því að gefa tvær stoðsendingar. Þá hefur hann skorað 11 mörk í 28 A-landsleikjum fyrir Slóveníu. Hann er falur fyrir 65 milljónir evra (Tæpa tíu milljarða íslenskra króna) sem er talið vera gjöf en ekki gjald miðað við hvað ensk lið eru að borga fyrir leikmenn þessa dagana.