„Væta í minni sveit boðaði heldur betur grósku“

Halla Hrund segir að kosningabaráttan hafi verið löng og ströng og hún segist vera þakklát fyrir allan þann stuðning sem hún hefur fundið. Dagurinn í dag sé spennandi, enda hafi spennandi kappræður verið í vikunni. Hún fari bjartsýn inn í daginn þrátt fyrir dvínandi fylgi í skoðanakönnunum síðastliðna daga. Í skoðanakönnunum síðastliðna daga hafi hún alltaf verið í 1. - 3. sæti. Hún treystir kjósendum til að skoða frambjóðendur og kjósa með hjartanu.

Hvernig á svo að verja restinni af deginum?

„Ég ætla að vera á fleygiferð um bæinn, vera niðri á kosningaskrifstofu, hitta stuðningsmenn, heimsækja ólíka staði. Síðan hlakka ég til að fagna með stuðningsfólki í Björtuloftum í Hörpu í kvöld, þar verður líf og fjör og við ætlum að sjá hvað kemur upp úr kjörkössunum.“ Halla Hrund kveðst hafa heldur betur kosið rétt, en hún kaus Höllu Hrund, fyrir almenning, fyrir almannahagsmuni.