Frá þessu greinir FH í yfirlýsingu en Einar hefur verið á mála hjá félaginu undanfarin tvö ár og freistar þess nú að enda tíma sinn þar á Íslandsmeistaratitli en FH er komið í úrslitaeinvígi Olís deildarinnar og mætir þar annað hvort Val eða Aftureldingu.
„Hann hefur hrifið FH-inga frá fyrsta degi með gleði sinni, orku, baráttu og gæðum,“ segir í yfirlýsingu FH. „Við FH-ingar hlökkum til að fylgjast með Einari Braga í atvinnumennskunni en fram að því munum við njóta tímans sem framundan er með Einari Braga og strákunum.“
Hjá Kristianstad eru menn afar sáttir með að hafa náð að klófesta Einar Braga.
„Það voru mörg lið á eftir Einari. Það að hann hafi valið IFK Kristianstad er góð vísbending um það á hvaða stað við erum komin. Að vera aftur að berjast um hæfileikaríka leikmenn frá Norðurlöndunum sem vilja þróa leik sinn áfram áður en þeir taka svo næsta skref sitt í Evrópuboltanum.“
Vi välkomnar Einar Bragi Adalsteinsson till IFK Kristianstad!
— IFK Kristianstad (@IFKKristianstad) May 10, 2024
Den 22-årige vänsternian kommer närmast från klubben FH Hafnarfjörður på Island.
Värvningen av Einar är möjlig med hjälp av extra insatser från våra partners. Läs mer på https://t.co/1Fdxr89Su8 pic.twitter.com/OvwYzV5RjP