Metmæting á tísku­sýningu út­skriftar­nema LHÍ

Sex fatahönnuðir útskrifast af námsbrautinni að þessu sinni en það eru þau Andri Páll Halldórsson Dungal, 

Brynja Líf Haraldsdóttir, Guðrún Ísafold Hilmarsdóttir, Jóhanna María Sæberg, Rubina Singh og Sigurey Bára Reynisdóttir.

Í tilkynningu um sýninguna segir að gestir og aðstandendur hennar hafi verið í skýjunum með útkomuna. Aðsóknarmet var slegið á sýninguna í ár en hátt í 600 gestir sóttu hana og allt tókst vel til.

Tískusýning útskriftarnema í fatahönnun er hluti af viðamikilli dagskrá útskriftarhátíðar Listaháskóla Íslands. 

Verk útskriftarnema verða síðar til sýnis á útskriftarsýningu BA nema í hönnun og myndlist í Hafnarhúsi sem opnar 11. maí næstkomandi.