Tekur við stöðu fram­kvæmda­stjóra Grænna skáta

Í tilkynningu segir að Jón Ingvar hafi tekið við stöðunni fyrr í mánuðinum af Kristni Ólafssyni sem hefur gegnt stöðunni síðastliðin ár.

„Jón Ingvar B.Sc. viðskiptafræðingur auk þess að stundað M.Sc. nám í viðskiptafræði með áherslu á stjórnun og stefnumótun. Síðastliðin ár starfaði hann sem rekstrarstjóri Heimaleigu sem rekur um 400 íbúðir í skammtímaleigu fyrir ferðamenn. Þá hefur Jón Ingvar hefur unnið í fjölbreyttum störfum innan skátahreyfingarinnar lengst af sem viðburðastjóri, var framkvæmdastjóri World Scout Moot 2017 sem haldið var á Íslandi,“ segir í tilkynningunni. 

Grænir skátar er endurvinnslufyrirtæki í eigu Skátahreyfingarinnar á Íslandi. Helstu verkefni þess er söfnun skilagjaldsskyldra umbúða frá fólki og fyrirtækjum. Fyrirtækið rekur 150 söfnunargáma á stór-höfuðborgarsvæðinu, móttökustöð fyrir skilagjaldsskyldar umbúðir auk söfnunar- og flokkunarstöðvar. Hjá fyrirtækinu starfa 40 starfsmenn í 20 stöðugildum. Allur ágóði af starfsemi félagsins fer til uppbyggingar skátastarfs á Íslandi.