Fyrr­verandi hirti fernu-boltann

Arshavin skoraði mörkin sín á Anfield 21. apríl 2009 en leiknum endaði með 4-4 jafntefli. Hann varð aðeins annar í sögunni til að skora fernu fyrir útilið á heimavelli Liverpool en sá fyrri náði því árið 1946.

Í tilefni af fimmtán ára afmæli þessa afreks þá heyrði blaðamaður The Athletic í Rússanum sem spilaði með Arsenal frá 2009 til 2013.

Eins og vanalega þá fá þeir sem skora þrennu (eða fernu) í enska boltanum að taka keppnisboltann með sér heim til minningar um leikinn.

Blaðamaðurinn fékk óvænt svar þegar hann spurði Rússann um afdrif boltans úr þessum leik.

„Ég fékk alla til árita boltann en ég er ekki með hann lengur. Fyrrum eiginkona mín tók hann og hélt honum fyrir sig,“ sagði Arshavin.

Arshavin spilaði á fimm tímabilum með Arsenal en hann kom á miðju 2008-09 tímabilinu og yfirgaf félagið í júní 2013. Alls skoraði hann 23 mörk og gaf 27 stoðsendingar í 105 leikjum í ensku úrvalsdeildinni.