Íslenska Rocket League-deildin farin af stað

Arnar Gauti Bjarkason skrifar 12. apríl 2024 12:01

Deildin ber heitið GR-deildin, en GR Verk eru styrkjendur deildarinnar.

Áttunda tímabil GR Verk deildarinnar í Rocket League hófst á þriðjudaginn í síðustu viku þann 2. apríl á twitch rás íslenska Rocket League samfélagsins.Alls taka 6 lið þátt í mótinu en þetta eru liðin DUSTY, Þór, 354 Esports, OMON, Quick Esports og OGV. Notast er við þrefalt Round-Robin format á þessu átta vikna keppnistímabili og eru allir leikir BO5.

1.umferð

Áttunda tímabilið hófst með 1. umferð deildarinnar þriðjudagskvöldið 2. apríl kl. 19:40 og voru spilaðar þrjár viðureignir. Voru þetta viðureginirnar DUSTY gegn Quick Esports, Þór gegn OMON og 354 gegn OGV.

DUSTY komu sterkir inn í 1. umferð deildarinnar með 3-0 sigri gegn Quick Esports en fyrsti leikurinn fór 3-1, annar leikurinn einnig 3-1 og sá þriðji 6-0 allt DUSTY í hag.

Viðureignin Þór gegn Omon fór 3-0 Þór í vil og komu Þórsarar því einnig afar sterkir inn í 1. umferðina. Fyrsti leikurinn fór 4-2, annar leikurinn 4-1 og sá þriðji 3-2.

Þriðja viðureign kvöldsins var 354 gegn OGV. Hófst viðureignin með 4-1 sigri OGV í fyrstu tveimur leikjunum en 354 svöruðu andstæðingi sínum með 2-1 sigri í þriðja leiknum. Þó dugði það ekki til þar sem að OGV vann fjórða leikinn 3-1 og þar með lauk 1. umferðinni.

2. umferð

Önnur umferð fyrstu vikunnar hófst fimmtudagskvöldið 4. apríl kl. 19:40. Þar mættust Quick Esports gegn OGV, DUSTY gegn OMON og Þór gegn 354.

Kvöldið hófst með hnífjöfnum leik Quick Esport og OGV. Staðan var 1-1 þar til að tími leiksins rann út en sá leikur fór í framlengingu. Endaði barráttan með sigri Quick Esport 2-1 í fyrsta leik.

Gæfan fylgdi þó ekki Quick Esports í þeim leikjum sem eftir voru af viðureigninni þar sem að OGV vann öruggan sigur gegn Quick Esports 3-0 í öðrum leiknum, 5-0 í hinum þriðja og 4-1 í þeim fjórða.

Fór viðureignin því 3-1 OGV í vil.

Jafnframt var hildarleikur DUSTY gegn OMON einkar spennandi. DUSTY unnu fyrstu tvo leikina örugglega 3-0 og 3-1 en OMON fengu loks vind í seglin í þriðja leiknum sem fór 3-1 fyrir OMON. Í fjórða leik viðureignarinnar var DUSTY 2 mörkum yfir en OMON náður að jafna metin í 2-2 en leikurinn fór í 14 sekúndna framlengingu sem endaði með sigri DUSTY 3-2 gegn OMON.

Lokaniðurstaða þessarar viðureignar var þá 3-1 fyrir DUSTY.

Bardagi Þórs og 354 endaði með 3-0 sigri í viðureigninni og mætti því taka svo til orða að Þór hafi unnið öruggan sigur gegn 354.Fyrsti leikurinn var frekar tæpur og fór í 20 sekúndna framlengingu en Þór unnu þann leik 3-2. Annar leikurinn fór síðan 1-0 og sá þriðji 2-0 Þórsurum í vil.

Fylgjast má með deildinni á Twitch-rás íslenska Rocket-league samfélagsins og á Discord-servernum þeirra.

Rafíþróttir