Á förum frá Zwickau

Zwickau gaf út yfirlýsingu í gærkvöld þar sem greint er frá því að Díana Dögg hyggist ekki endurnýja samning sinn við liðið en sá rennur út eftir yfirstandandi leiktíð.

Ekki fylgir sögunni hvort Díana hafi fundið sér nýtt lið eða hvert hún hyggist halda næst. Hún hefur verið fyrirliði liðsins undanfarin ár.

Díana er uppalin í Vestmannaeyjum, hjá ÍBV, og er hluti af landsliðshópi Íslands sem á fyrir höndum leiki gegn Lúxemborg og Færeyjum. Sigrar í leikjunum tveimur skila Íslandi á EM í desember.