Innlent

Raf­magn tekið af Grinda­vík

Smári Jökull Jónsson skrifar
Myndin er frá því fyrr í kvöld og sýnir Grindavík með gosið í bakgrunni. Myndin er tekin frá Innri-Njarðvík. 
Myndin er frá því fyrr í kvöld og sýnir Grindavík með gosið í bakgrunni. Myndin er tekin frá Innri-Njarðvík.  Halldór Vilberg Ómarsson

Rafmagn var tekið af í Grindavík rétt í þessu en á vefmyndavélum sést að ljós í bænum hafa slokknað.

Tómas Már Sigurðsson, forstjóri HS Orku, staðfestir í samtali við fréttastofu að þetta hafi verið gert af ásettu ráði. Hraunið stefnir í átt að háspennumöstrum og var tekið út vegna þess.

Ef háspennulínan frá Svartsengi fer út getur orðið mikill skaði að söng Tómasar, bæði í Svartsengi og í Reykjanesbæ.

Á vefmyndavélum við Grindavík sést að rafmagn er farið af bænum. Í samtali við Hjördísi Guðmundsdóttur hjá Almannavörnum kemur fram að rafmagn hafi verið tekið af bænum og benti Hjördís á HS-Veitur vegna málsins.

Eldgos á Reykjanesskaga Eldgos og jarðhræringar Grindavík

Mest lesið


Fleiri fréttir

Sjá meira


×

Mest lesið