Einn lést í þriggja bíla árekstri við gatnamót Hvalfjarðarvegar og Hringvegar í gærmorgun.
Þetta staðfestir Ásmundur Kristinn Ásmundsson, aðstoðaryfirlögregluþjónn hjá lögreglunni á Vesturlandi, í samtali við fréttastofu.
Slysið varð fyrir hádegi í gærmorgun, þegar tvö stærri ökutæki og einn fólksbíll skullu saman. Sá sem lést var ökumaður fólksbílsins.
Slysið og tildrög þess eru í rannsókn að sögn Ásmundar. Lögreglan sendi tilkynningu þess efnis rétt í þessu.
Ásmundur Kristinn Ásmundsson aðstoðaryfirlögregluþjónn hjá Lögreglunni á Vesturlandi segir enn unnið á vettvangi alvarlegs umferðarslyss við gatnamót Hvalfjarðarvegar og Hringvegar í morgun. Þar skullu saman þrjú ökutæki, tvö stærri ökutæki og einn fólksbíll.
Gatnamótum Hvalfjarðarvegar og Hringvegar hefur verið lokað eftir að umferðarslys. Um er að ræða nyrðri gatnamót veganna, nær Akranesi. Tveir bílar lentu þar í árekstri.
