Funda um mögu­lega kvikusöfnun undir Svarts­engi klukkan 9 og 13

Í allan gærdag mældust um 100 jarðskjálftar við kvikuganginn en frá miðnætti hafa mælst 20 minniháttar skjálftar, allir undir einum að stærð, að sögn Einars Hjörleifssonar náttúrvársérfræðings á Veðurstofu Íslands.

Í gær bárust tíðindi af því að kvikusöfnun væri hugsanlega hafin að nýju undir Svartsengi og sérfræðingar byggju sig undir möguleikann á ítrekaðri virkni.

Einar segir að túlkun aflögunargagna verði tekin fyrir á fundi sérfræðinga Veðurstofunnar klukkan 9.30 í dag, þar sem rýnt verður í nýjustu GPS punkta vegna hugsanlegs landriss. 

Í framhaldinu verður fundað með almannavörnum klukkan 13.