Nýr kafli hafinn á Reykja­nesi

Þar kemur einnig fram að virknin sé mest milli Sýlingarfells og Hagafells þar sem kvikugangurinn liggur. Samkvæmt Veðurstofunni er landris við Svartsengi enn stöðugt þrátt fyrir minni virkni við kvikuganginn.

„Atburðurinn sem hófst þann 25. október með mikilli skjálftavirkni sem náði toppi að kvöldi 10. nóbember þegar 15 km kvikugangurinn myndaðist er ekki lokið. En segja má með nokkurri vissu að nýr kafli sé hafinn þar sem að sama atburðarrás getur endurtekið sig,“ segir í tilkynningunni.

Veðurstofan segir að erfitt sé að segja til um hvenær næsta kvikuinnskot muni eiga sér stað og hvort það verði á svipuðum stað. Veðurstofan heldur áfram að vakta svæðið gaumgæfilega.