Lék ungan Messi en er nú farinn að skora fyrir Argentínu

Acuna er fæddur í janúar 2006 og var því á áttunda aldursári þegar senurnar í myndinni voru teknar upp. Nú er hann sautján ára og að spila með U17 liði Argentínu á heimsmeistaramótinu.

Acuna er frá Rosario eins og Messi en hann vann sig líka upp hjá Newell's Old Boys liðinu alveg eins og Messi gerði sjálfur. Messi fór aftur á móti mjög ungur til Barcelona á Spáni.

Acuna er enn að spila með Newell's Old Boys og spilar með unglingaliði þess.

Acuna var á skotskónum á HM sautján ára landsliða í Indónesíu í gær en hann skoraði annað mark argentínska landsliðsins í 3-1 sigri á Japan.

Acuna byrjaði leikinn á miðjunni í leikkerfinu 4-2-3-1 og er því að spila aftar á vellinum en Messi. Hann náði engu að síður að skora í leiknum.