Reykjar­mökkur lík­lega ekki eld­gos

Þetta segir Salóme Jórunn Bernharðsdóttir, náttúruvársérfræðingur á Veðurstofunni, í samtali við fréttastofu.

„Við erum búin að heyra í landverði varðandi þetta og fá myndir frá honum og upplýsingar. Landverðir hafa séð svona reyk oft þegar það er svona mikil jarðskjálftavirkni. Þetta er mjög víða. Þetta kemur upp á mörgum stöðum í hrauninu.“

Salóme útskýrir að enn sé talsverður hiti í hrauninu sem rann í sumar, því geti hiti og gas komið frá því.

Aðspurð um hvort þetta gefi að einhverju leiti til kynna hvort eldgos nálgist svarar Salóme neitandi. „Nei, þetta er óbein afleiðing skjálftavirkni. Það hefur töluvert mikil jarðskjálftavirkni verið í dag, og það bara brýtur upp hraun.“

„Þetta er í sjálfu sér ótengt þessu kvikuinnskoti sem er við Þorbjörn,“ segir hún.