Þor­lákur að taka við þjálfara­stöðu í efstu deild Portúgals

Það er vefsíðan Fótbolti.net sem greinir frá en Þorlákur hefur verið án starfs síðan að Lengjudeildinni hér heima lauk en þar var hann þjálfari Þórs frá Akureyri. 

SF Damaiense leikur í efstu deild Portúgal og er þar í 3. sæti þegar að fimm umferðir hafa verið leiknar á yfirstandandi tímabili. 

Nuno Ventura var áður þjálfari liðsins en í gær var greint frá starfslokum hans og sagðar persónulegar ástæður fyrir brotthvarfi hans úr starfi.

Þorlákur hefur yfir víðtækri reynslu að skipa frá störfum sínum bæði hérlendis sem og erlendis.