Bein út­sending: Morgun­fundur um Sunda­braut

Hægt verður að fylgjast með fundinum í spilaranum að neðan.

Á fundinum verður farið yfir hvaða valkostir séu til skoðunar varðandi legu Sundabrautar, auk tenginga hennar við byggð og atvinnustarfsemi.

Auk fulltrúa Vegagerðarinnar verða á fundinum fulltrúar verkfræðistofunnar EFLU sem er ráðgjafi í Sundabrautarverkefninu.

Hægt er að fylgjast með fundinum í spilaranum að neðan.

Dagskrá fundarins:

• Sundabraut. Framkvæmd í undirbúningi. Helga Jóna Jónasdóttir, verkefnisstjóri Sundabrautar.
• Sundabraut. Áherslur í umhverfismati. Ragnhildur Gunnarsdóttir, verkfræðingur hjá EFLU.
• Fundarstjóri: G. Pétur Matthíasson, forstöðumaður samskiptadeildar Vegagerðarinnar.

Í tilkynningu segir að Vegagerðin, í samvinnu við Reykjavík, vinni nú að undirbúningi Sundabrautar frá Sæbraut að Kjalarnesi.

„Markmið framkvæmdarinnar er að bæta samgöngur fyrir alla ferðamáta, dreifa umferð og bæta tengingar við og innan höfuðborgarsvæðisins, stytta akstursleiðir og ferðatíma og minnka þannig útblástur og mengun.

Áætlaður framkvæmdatími er á árunum 2026-2031. Framkvæmdin verður boðin út sem samvinnuverkefni,“ segir í tilkynningunni.