Segir son sinn frekar vilja leiða Mbappé út á völl en sig

Franska stórveldið PSG sækir Newcastle heim í riðlakeppni Meistaradeildarinnar í kvöld, en samkvæmt Trippier hefur sonur hans, Jacob, meiri áhuga á því að fá að fylgjast með stórstjörnunni Mbappé en pabba sínum.

„Hann er með Mbappé á heilanum og gerir fátt annað en að horfa á myndbönd af honum á Youyube,“ sagði enski landsliðsmaðurinn og grínaðist svo með að sonur hans hefði meiri áhuga á því að leiða frönsku stórstjörnuna út á völl en pabba sinn.

„Það fór ekki mjög vel í mig,“ bætti Trippier við. „Ég sagði honum að ef hann fengi að ganga út með Mbappé þá ætti hann ekki einu sinni að líta á mig í göngunum á leiðinni út á völl.“

Newcastle og PSG eigast við í Meistaradeild Evrópu klukkan 19:00 í kvöld og verður leikurinn í beinni útsendingu á Stöð 2 Sport 3.