Ødegaard skrifar undir nýjan fimm ára samning við Arsenal

Ødegaard gekk til liðs við Skytturnar árið 2021. Hann hefur verið gríðarlega mikilvægur hlekkur í liðinu hjá Mikel Arteta og var gerður að fyrirliða liðsins fyrir síðasta tímabil.

Þessi 24 ára gamli miðjumaður hefur skorað 27 mörk og gefið 15 stoðsendingar í 112 leikjum fyrir Arsenal í ensku úrvalsdeildinni og kom við sögu í 37 af 38 leikjum á síðasta tímabili þar sem liðið hafnaði í öðru sæti deildarinnar.

Ødegaard var keyptur til Arsenal fyrir um 30 miljónir punda eftir að hafa upphaflega komið á láni frá Real Madrid. Samningur hans átti að renna út árið 2025, en nýi samningurinn gildir út tímablið 2027-2028.