Enski boltinn

Mætti fjórum tímum of snemma á æfingu

Ingvi Þór Sæmundsson skrifar
Anthony Martial var alltof stundvís í morgun.
Anthony Martial var alltof stundvís í morgun. getty/Visionhaus

Á meðan fréttir berast af erfiðleikum Jadons Sancho að mæta á æfingar hjá Manchester United á réttum tíma er Anthony Martial hinum enda kvarðans.

Martial mætti á Carrington, æfingasvæði United, í morgun en fór eftir aðeins fjórar mínútur. Hann hafði nefnilega mætt fjórum klukkutímum of snemma á æfingu. Martial hélt því aftur heim á leið en kom aftur á Carrington um hádegið.

Martial hefur verið byrjunarliði United í síðustu tveimur leikjum liðsins en ekki náð sér á strik.

Í leiknum gegn Arsenal um þarsíðustu helgi var hann tekinn af velli fyrir Rasmus Höjlund sem sýndi góða takta. Jafnvel búist er við því að danski framherjinn komi inn í byrjunarlið United gegn Brighton í 5. umferð ensku úrvalsdeildarinnar á laugardaginn. United er í 11. sæti hennar með sex stig.

Martial hefur verið hjá United síðan 2015. Hann hefur alls leikið 301 leik fyrir félagið og skorað 88 mörk.

Enski boltinn

Mest lesið


Fleiri fréttir

Sjá meira


×

Mest lesið