Viðskipti innlent

Jón Júlíus til Við­skipta­ráðs

Atli Ísleifsson skrifar
Jón Júlíus Karlsson.
Jón Júlíus Karlsson. VÍ/Birgir Ísleifur Gunnarsson

Jón Júlíus Karlsson, sem gegnt hefur stöðu framkvæmdastjóra UMF Grindavíkur síðustu ár, hefur verið ráðinn til starfa hjá Viðskiptaráði og mun annast verkefni á sviði samskipta, miðlunar og viðburðahalds auk þátttöku í málefnastarfi og annarri daglegri starfsemi ráðsins.

Í tilkynningu segir að Jón Júlíus sé með BA gráðu í stjórnmálafræði frá Háskóla Íslands og hafi lokið meistaraprófi í opinberri stjórnsýslu frá sama skóla.

„Frá árinu 2017 hefur Jón starfað á vettvangi ungmennafélaga, fyrst sem framkvæmdastjóri Aftureldingar um þriggja ára skeið en undanfarin þrjú ár hefur hann gegnt starfi framkvæmdastjóra Ungmennafélags Grindavíkur. Áður starfaði hann meðal annars sem fréttamaður á Stöð 2 og stýrði markaðs- og viðburðamálum hjá Golfklúbbnum Oddi.

Jón Júlíus mun hefja störf í október og tekur við starfinu af Gunnlaugi Braga Björnssyni sem á sama tíma hverfur til nýrra starfa á markaðssamskiptasviði Íslandsstofu,“ segir í tilkynningunni.

Viðskiptaráð Íslands er frjáls félagasamtök sem gæta hagsmuna fyrirtækja, félaga og einstaklinga í íslensku atvinnulífi. 

Vistaskipti UMF Grindavík Auglýsinga- og markaðsmál Grindavík


Mest lesið


Fleiri fréttir

Sjá meira


×

Mest lesið