Valur skrefi nær riðlakeppni Meistaradeildar Evrópu

Þórdís Elva Ágústsdóttir kom Val yfir á 23. mínútu. Þórdís skoraði laglegt mark beint úr aukaspyrnu. Valur var marki yfir í hálfleik 0-1.

Á 81. mínútu gerði Guðrún Elísabet Björgvinsdóttir annað mark Vals og fór langt með að klára leikinn. Heimakonur komu hins vegar til baka og Megi Doci minnkaði muninn í 1-2 á 90. mínútu.

Fleiri urðu mörkin ekki og Valur vann 1-2 sigur. Valskonur fara því í 2. umferð Meistaradeildar Evrópu eftir tvo sigra í Albaníu.

Þann 15. september mun það koma í ljós hvaða liði Valur mætir í úrslitum um sæti í riðlakeppni Meistaradeildarinnar. Leikið verður á heima og útivelli í næsta einvígi.