Taka við stjórnar­taumum hjá DHL á Ís­landi

Í tilkynningu kemur fram að Krists hefur síðustu átján ár starfað sem framkvæmdastjóri DHL í Lettlandi.

Haft er eftir Krists að unnið sé að því að vinna í að stækka og efla starfsemina hér á Íslandi og styrkja enn frekar sendingalausnir og þjónustustig fyrir viðskiptavini. „Við erum meðal annars að stækka húsnæði okkar á Keflavíkurflugvelli. Það eru mörg tækifæri framundan í þessum geira og ég hlakka til að takast á við spennandi verkefni hér á landi,“ segir Krists.

Þá segir að Auðunn Sólberg snúi aftur til DHL eftir tólf ára fjarveru hjá Nova þar sem hann hafi gegnt stöðu sölustjóra.

„Ég þekki DHL mjög vel. Ég byrjaði sem bílstjóri og hef unnið flestar stöður hjá fyrirtækinu. DHL hefur alltaf átt stað í hjarta mínu og það er gaman að snúa aftur til starfa hjá fyrirtækinu. Það hefur margt breyst á þeim 12 árum sem ég hef verið í burtu en margt að því góða starfsfólki sem ég vann með er hér enn enda heldur fyrirtækið vel á starfsfólki sem er ánægjulegt. Eitt af því sem heillaði mig hvað mest er stefna DHL í loftlagsmálum sem kallast GoGreen og hlakka til að kynna fyrir viðskiptavinum og hvernig við getum hjálpað þeim að kolefnisjafna sína flutninga,“ er haft eftir Auðuni.