Sonur Jóhanns Bergs vekur at­hygli fyrir spyrnu­tækni sína

Hinn 32 ára gamli Jóhann Berg spilar í dag með Burnley í ensku úrvalsdeildinni og hefur gert frá árinu 2016. Fyrir fimm vikum síðan birti hann myndband af syni sínum að taka það sem virðist eiga að vera hornspyrna.

Segja má að sonurinn sé töluvert líkur föður sínum þegar kemur að því að sparka í boltann en myndbandið má sjá hér að neðan.

Í gærkvöld, mánudag, birti ESPN UK myndbandið á sínum miðlum. ESPN UK er breski armur íþróttarisans ESPN. Miðillinn er með 5,8 milljónir fylgjenda á Facebook og 1,2 milljón fylgjenda á Instagram.

Jóhann Berg fékk sínar fyrstu mínútur á tímabilinu í 1-3 tapi gegn Aston Villa um liðna helgi. Segja má að Jóhann Berg hafi nýtt tækifærið vel en hann lagði upp eina mark Burnley í leiknum.