Fótbolti

Kastaði skó Suárez af velli

Ingvi Þór Sæmundsson skrifar
Luis Suárez heldur áfram að gera allt vitlaust, á 37. aldursári.
Luis Suárez heldur áfram að gera allt vitlaust, á 37. aldursári. getty/Richard Ducker

Leikmaður Cruzeiro stríddi úrúgvæsku ofurstjörnunni Luis Suárez í leik gegn Gremio í brasilísku úrvalsdeildinni í gær.

Suárez gekk í raðir Gremio frá Nacional í Úrúgvæ um áramótin. Þrátt fyrir að vera orðinn 36 ára hefur Suárez ekkert róast eins og sást í leiknum gegn Cruzeiro í gær.

Í uppbótartíma fyrri hálfleiks féll Suárez í grasið við hliðarlínuna og bar sig illa. Hann fór meðal annars úr öðrum skónum.

Marlon Xavier, leikmaður Cruzeiro, nennti ekki veseninu í Suárez, tók skóinn hans og kastaði honum af velli. Fyrir það fékk hann gult spjald.

Þetta kostulega atvik má sjá í spilaranum hér fyrir neðan.

Gremio vann leikinn í gær með þremur mörkum gegn engu. Suárez kom heimamönnum á bragðið á 29. mínútu.

Fótbolti

Mest lesið


Fleiri fréttir

Sjá meira


×

Mest lesið